Drekinn frá OZ

Smá myndlíking:

Maður er krafinn um meðlag. Hann heimtar faðernispróf. Þá er sagt við hann að hann sé að hlaupast undan ábyrgð. Hann neitar því og segist glaður borga það sem hann ber ábyrgð á en hann vill fyrst vita hvort hann í raun beri ábyrgðina.

Þjóðin er krafin um hundruði milljarða. Þjóðin vill að þetta fari fyrir alþjóðadómstóla og útkljáð hvort við berum í raun og veru ábyrgð á þessu. Stjórnarmenn segja að við megum ekki vera þekkt fyrir að hlaupast undan ábyrgð og það muni einangra okkur frá heiminum því enginn vill stunda viðskipti við þá sem hlaupast undan ábyrgð. Þjóðin samþykkir ekki þessi rök og segist borga það sem henni ber að borga en fyrst vilji hún fá staðfest hvort hún eigi að borga nokkurn skapaðan hlut. Það getur varla skaðað viðskiptaímynd Íslands að neita að borga það sem alþjóðadómstólar segja að Ísland beri ekki ábyrgð á. Nú ef við berum ábyrgð á þessu þá erum við í sömu sporum nema það er einu atriði færra til að rífast um.

Svo vil ég að fjölmiðlar fari að ýta á menn með erfiðari spurningum. Þeir sem vilja ekki borga Icesave segja alltaf að við getum ekki borgað þetta því að landsframleiðslan er ekki næg til að standa undir 650 milljörðum. Þeir semsagt meta eignir Landsbankans á núll krónur. Stjórnvöld segja að 75% af þessum 650 milljörðum komi í eignum Landsbankans. Persónulega er ég ekki hrifinn af því að borga þessa 650 milljarða en mér finnst fáránlegt að meta eignir Landsbankans á núll krónur. Ef þjóðin samþykkir það þá hlýtur hún að samþykkja að gefa mér þessar eignir....

Ég vil fyrst komast að því hvort við berum ábyrgð á þessu. Ef svo er þá vil ég að ákvæði í samningum við Hollendinga og Breta skuldbindi þá til að sjá til þess að sem mest af lánasöfnum Landsbankans skili sér aftur í kassann. Helst vildi ég að þeir bara tækju allar eignir landsbankans og litu á það sem svo að við værum kvitt. En alla vega þá er ofboðslega mikilvægt fyrir Ísland að sem mest skili sér í kassann úr þessum lánasöfnum og það þarf að vera mikilvægt fyrir Holland og Bretland líka annars er þeim alveg sama hvort menn og fyrirtæki fari á hausinn og geti ekki borgað þessi lán sín.

0 Comments:

Add a comment

Links to this post:

<\$BlogBacklinkControl\$> <\$BlogBacklinkTitle\$> <\$BlogBacklinkDeleteIcon\$>

<\$BlogBacklinkSnippet\$>
posted by <\$BlogBacklinkAuthor\$> \@ <\$BlogBacklinkDateTime\$>

<\$BlogItemBacklinkCreate\$>