Drekinn frá OZ

Í gær fór ég í veiðitúr með dæturnar og tók pabba með til að hjálpa mér við að aðstoða stelpurnar. Við byrjuðum fyrst að veiða í vestanverðu Reynisvatni en urðum fljótt vör við mikinn hamagang í suð-vesturhluta vatnsins og svo vildi til að enginn var þar. Við færðum okkur og byrjuðum að veiða með flotholt og gular baunir. Ég reyndi líka flugu. Ekkert gekk og stelpurnar fengu fljótlega leið á þessu. Ég var samt ekki alveg á því að gefast upp því vatnið var krökt af fiski og bara spurning um að finna hvaða beita væri að virka. Ég skipti því yfir í spún og sagði við stelpurnar að ef það biti fiskur á þá myndi ég rétta þeim stöngina og þær sjá um að hala fiskinn inn. Þær eru ekki alveg komnar með nógu mikið vald á stönginni að þær geti kastað út sjálfar sem er náttúrulega aðalatriðið þegar þú ert að veiða með spún. Nú fljótlega beit á hjá mér en stelpurnar vildu ekki hala fiskinn inn heldur háfa hann upp úr vatninu. Ég dró því fiskinn inn og þreytti hann aðeins og leyfði svo Salnýju Kaju að háfa fiskinn upp. Þetta var rétt tæplega eins punda regnbogasilungur. Fljótlega beit aftur á hjá mér og ég dró inn og þreytti eins og áður nema nú mátti Sólný Inga háfa fiskinn upp sem var sjónarmun stærri en fyrri fiskurinn. En svo gerðist svolítið merkilegt. Ég setti í 10 punda bleikju sem barðist um eins og ég veit ekki hvað. Hún dró út línuna talsvert en ég var með granna línu þannig að ég gat lítið tekið á henni. Loks þreyttist hún og ég náði henni inn. Salný Kaja gat ekki lyft háfnum með henni í þannig að pabbi sá um það. Stuttu seinna setti ég í aðra bleikju en þessi var "bara" 4 pund og var grilluð í gær og étin upp til agna :-) Ég setti í 7-8 aðra fiska sem ýmist náðu að losa sig eða í 3 skipti slitnaði taumurinn og ég tapaði spúninum og stórum fiskum. Ég ætla að vera með mun sterkari taum næst þegar ég fer í Reynisvatn...það er nokkuð ljóst.



Já og á laugardaginn útskrifaðist ég úr MPM náminu eins og ég var reyndar búinn að blogga um ;-) Hélt lítið kaffiboð fyrir mína nánustu og tók því frekar rólega :-)

0 Comments:

Add a comment

Links to this post:

<\$BlogBacklinkControl\$> <\$BlogBacklinkTitle\$> <\$BlogBacklinkDeleteIcon\$>

<\$BlogBacklinkSnippet\$>
posted by <\$BlogBacklinkAuthor\$> \@ <\$BlogBacklinkDateTime\$>

<\$BlogItemBacklinkCreate\$>