Drekinn frá OZ

Sigurvegari dagsins er "Pétur Óli Einarsson" með "Conan the Barbarian".

Það var einu sinni hlenni sem datt á fjósnir sínar!

Námskeiðum lokið og maður loksins mættur í afslappelsið í vinnunni. Það tók mig ekki nema c.a. 3 tíma að vinna úr póstinum sem ég hafði fengið. Ágætt það. Ég kann núna miklu meira en ég gerði í upphafi þessarar viku. En svo heldur stuðið áfram því maður þarf að gera skilaverkefni um helgina. Maður á að gera eitthvað asnalegt teikniforrit. Kannski ég setji það bara hérna á netið þegar það er tilbúið en ekki búast við photoshop 8.0.

Ég vona að þið hafið ekki saknað mín mikið. Ég meina það hlýtur að vera meira varið í líf ykkar en svo að nokkrir blogglausir dagar rústi öllu prógramminu ykkar. En ég er að spá í að verðlauna kvennfólkið sérstaklega með því að ljóstra upp miklu leyndarmáli. Þannig er að við strákar eru miklu opnari en þig innan um hvorn annan. Þið stelpur vitið fæstar að þegar við strákarnir förum í sturtu saman t.d. eftir æfingu, leikfimi eða sund, þá erum við ekkert feimnir við að bretta upp á typpið á okkur (þeir okkar sem eru með forhúð) og sápa kónginn vel og skola hann svo. Þetta gerum við fyrir framan alla hina og enginn spáir í því því þetta er bara eðlilegt. Takk fyrir það og strákar endilega sendið mér hate mail!

Pæling dagsins: "Ef ég segi tveimur mönnum að hugsa um hest og bið þá svo um að lýsa fyrirbærinu og hvorug lýsingin er eins....hvernig get ég verið viss um hvað hestur sé?"

1-10 dagsins: Farsi = yak - do - se - chaha:r - panj - shesh - haft - hasht - noh - dah

Kvikmyndagetraun dagsins: "We? The only thing we had in common was that neither one of us knew who you were!"
Senda svar!

Já krakkar ég er ennþá á námskeiðum. Þetta er hrikalegt ástand, enginn tími til að blogga....ekkert MSN og maður nær varla að lesa mbl.is. En ég kem sterkur inn á morgun með föstudagsblogg sem reddar helginni hjá ykkur.

Farið vel með ykkur elskurnar mínar og reynið að vera dugleg og hugrökk í fjarveru minni.

Ekki gráta ég verð í fríi í dag og á morgun, það er bara of mikið að gera.

Sigurvegari dagsins er "Signý Björg Sigurjónsdóttir" með "About a boy".

Í matinn í hádeginu var slápur!

Jamm ég var á námskeiði í gær og aftur í dag og svo á morgun og hinn geisp! Þetta er svo þreytandi. En maður er að læra helling á þessu og það er fyrir öllu. Ég er orðinn of gamall og í of lélegu formi. Strákarnir í körfunni eru farnir að hlæja að mér því ég er alltaf að meiða mig. En nú er nóg komið, ég ætla að koma mér í form og hætta að meiðast. Og hananú!

Pæling dagsins: "Hvernig get ég haldið mér vakandi á fundum þar sem loftið er þungt?"

1-10 dagsins: Pahlavi = e:vak - do: - si: - chaha:r - panch - shash - haft - hasht - nuh - dah

Kvikmyndagetraun dagsins: "Crom, I have never prayed to you before. I have no tongue for it. No one, not even you, will remember if we were good men or bad. Why we fought, and why we died. All that matters is that today, two stood against many. Valor pleases you, so grant me this one request. Grant me revenge! And if you do not listen, the HELL with you!"
Senda svar!

Sigurvegari dagsins er "Pétur Óli Einarsson" með "The Tuxedo".

Ég verð á námskeiðum næstu daga þannig að það er óvíst hversu vel ég get stundað bloggið. En þetta dugir ykkur eitthvað.

Signý gaf mér dásamlega bóndadagsgjöf á föstudaginn. Ég kom heim þreyttur eftir að hafa dæmt tvo leiki og haft umsjón með þeim þriðja í körfunni þann daginn. Auk þess sem ég hafði unnið nokkuð strembinn vinnudag fyrir það. Haldiði ekki að hún Signý hafi þrifið alla sameignina ein og meira að segja mokað snjóinn úr tröppunum úti. Ég sem hlakkaði ekki til að fara í það að þrífa sameignina eftir svona dag varð himinlifandi og varð bara að segja frá þessu. Signý þú ert dásamlegust í heimi. Takk fyrir gjöfina.

Meðan ég man þá er Benni pokur með stuttan olnboga!!!!

Pæling dagsins: "Var það sami maðurinn sem vildi þær þakkir einar að Alexander mikli færði sig aðeins svo hann skyggði ekki á sólina og sá sem gekk um Aþenuborg um hábjartan dag með logandi kyndil og er hann var spurður að því hvað hann væri að gera þá sagðist hann vera að leita að manni?"

1-10 dagsins: Old Persian = aiva - - - - *pancha - - - *ashta - *nava - *datha

Kvikmyndagetraun dagsins: "He's not expressing himself, he's expressing you!" Þessi er hrikalega erfið, en ég vona að einhverjir svari :-D
Senda svar!

Aukablogg: Nú ætla ég að segja að Denni hafi verið að mokka mig um daginn og ég vona að það þýði ekki eitthvað dónó!

Sigurvegari dagsins er "Pétur Óli Einarsson" með "Julius Caesar".



Kiddi mættur á netið. Hann er nú meira fíflið, sendi mér link á síðu og sagði mér að skrifa í gestabókina og hvað svo.....þá er þetta ekki síðan hans. Ég skrifa eitthvað sætt og held að ég sé að skrifa til hans en ég er að skrifa til einhvers sem er mér algjörlega ókunnugur. Alltaf verið að stríða mér.

Frábær kórsíða, hægt að hækka lögin og lækka (um tóntegundir) og nótur og læti mar!

Annars hef ég fátt að segja nema það að ég þarf að gera enn eitt fokking skilaverkefnið núna um helgina. Hata þessi helvítis skilaverkefni!!!!!!!!!!!!!!!!!!!!!

Pæling dagsins: "Hvað ætli ég fái í bóndadagsgjöf?"

1-10 dagsins: Kermanshahi = yäkî' - dû'an - sî'an - chuâr - pänch - shäsh - häft - häsht - nö^ - dé:

Kvikmyndagetraun dagsins: "The name's Tong, James Tong"
Senda svar!

Sigurvegari dagsins er "Sara Valný Sigurjónsdóttir" með "Van Wilder".

Mér fannst í gær eitthvað skrítið við orð dagsins. Það átti eitthvað svo óvenjulega við það sem var að gerast í lífi mínu en í sakleysi mínu og blindu trausti til vinar míns notaði ég orðið um heitmey mína en í ljós hefur komið að ég fékk rýting í bakið. Traust mitt á einum ábyrgasta fréttamiðli landsins og vini mínum honum Sævarri er að engu orðið, ég ligg í blóði mínu og græt vináttu okkar. En Daníel ég mun jafna mig og rísa upp og hugsanlega fyrirgefa þér þetta en þú þarft að hringja í ástina mína og biðjast innilegrar afsökunar ef þú vilt eiga einhverja von á að verða boðið í brúðkaupið. Eitt er víst að Signý er ekki tvítóla skepna! Ég mun aldrei þora að nota orð Frétta um mína nánustu og því segi ég að Denni er kviðgaður! Hvaða Ískaríot var það sem stóð að þessu með þér Denni minn?

Þetta minnir mig á sögu um mig....mér er tjáð að sögurnar um mig séu margar hverjar fyndnar og því ætla ég að vera með og láta eina flakka. Þannig var að Lalli vinur minn í körfunni í gamla daga var byrjaður með stelpu og hann ákvað að halda partý og leyfa okkur strákunum að hitta stelpuna. Ég var tilbúinn með línu eins og svo oft áður og hún átti að vera svona "Lalli, þú sagðir mér að hún væri ljót". En mér fannst hugmyndin um að láta hann líta illa út og mig vel út á sama tíma mjög góð. En þegar til kastana kom þá ruglaðist ég eitthvað aðeins (sennilega út af ölvímu) og sagði "Lalli, þú sagðir mér að hún væri falleg"! Í sömu andrá áttaði ég mig á mistökunum og sprakk úr hlátri en það var ekki til að hjálpa því ég hló svo mikið að ég náði ekki að leiðrétta mig og stúlkugreyið var mörg ár að fyrirgefa mér. Ég held reyndar að Valdísi sé ekkert mjög vel við mig enn þann dag í dag....alla vega hringir hún aldrei í mig til að spjalla.

Pæling dagsins: "Í teiknimyndum þá skýtur Amor alltaf ör í rassinn á mönnum....er þetta dulinn hómósexúalismi?"

1-10 dagsins: Bajalani = ikke: - du:wa - sa - chwa:r - panj - shish - ha:ft - hasht - nu: - da

Kvikmyndagetraun dagsins: "Et tu, Brute?" Mynd frá 1953!
Senda svar!

Sigurvegari dagsins er "Signý Björg Sigurjónsdóttir" með "Bicentennial Man".

Ég ljóstraði upp í gær að ég væri að fara að gifta mig og gleymdi að segja að það yrði 16. ágúst sem er ekki alveg strax en þeir sem telja sig eiga öruggt boð skulu taka þann dag frá. Hinir sem vilja fara en fá ekki boð geta verið svona paparazzi gaurar, liggjandi á öllum gluggum, takandi myndir. Það myndi ég alveg fíla.

Nú svo var Salný Kaja hérna hjá mér í klukkutíma í vinnunni hjá mér í dag. Mamma hennar var hjá tannsa og við fundum engan til að passa. Ég labbaði bara um og montaði mig og hún var söm við sig og sjarmeraði alla. Hún er orðin 7 mánaða og það eru tvær tennur komnar hjá henni. Hún er líka sætust og skemmtilegust ofl.

Svo þegar ég var á röltinu með hana þá sá ég Jónas í afgreiðslunni. Drengurinn var með mér í Versló og var í KR í körfunni með Atla og félögum. Hann er bara á Seyðisfirði með sinni konu og á von á barni í júní. Þetta er tíska að eignast börn í júní!

Ég er farinn til kvígini minnar!

Pæling dagsins: "Ein Strympa og 100 strumpar?"

1-10 dagsins: Zaza (N) Kurdish = e:k - dô - se: - cha:r - pe:nj - shash - haft - hasht - na - da

Kvikmyndagetraun dagsins: "So that's why we had issues! I always thought it was because I fooled around with your daughter freshman year". Ekki alveg orðrétt en drepfyndið og ætti að fattast.
Senda svar!

Sigurvegari dagsins er "Pétur Óli Einarsson" með "America's Sweethearts".

FMR mikið í fjölmiðlum í gær. Fréttir.com reyndu ekki að ná einkaviðtali við mig og ég verð mjög sár út þessa viku en jafna mig svo. Margir hafa spurt mig hvort ég hafi gert þessi mistök og ég verð að svara No Comment en þeir sem þekkja mig vita rétta svarið ;-)

Ég er til í að skemmta í brúðkaupum og jarðaförum, ég er mjög vízkur!

Annars er svo mikið að gera í FMR út af þessu máli að ég hafði nánast engan tíma til að blogga í gær og ekkert frekar í dag. Ég auglýsi hins vegar eftir símanúmeri hjá góðum kokki sem vill taka það að sér að elda oní gesti mína í brúðkaupi mínu sem planað er á þessu ári.

Pæling dagsins: "Hver er að útskrifast um næstu helgi?"

1-10 dagsins: Kermanji (S) Kurdish = yak - du: - se: - chwa:r - pe:nj - shash - hawt - hasht - no: - da

Kvikmyndagetraun dagsins: "One understands why some animals eat their young".
Senda svar!

Sigurvegari dagsins er "Pétur Óli Einarsson" með "Groundhog day".

Erfið helgi, skilaverkefni og læti. Ég er þreyttur. Ungbarnasund á eftir svo æfing. Sef annað kvöld.

Ég er ekki vákins um það að ég á of mikið skyr. Þ.e.a.s. ég þarf að éta skyr oft á dag til að ná að klára það fyrir síðasta söludag.....hann er reyndar ekki dauðadómur.

Geðveikt stuð á föstudag, partý hjá X-ozurum og þeir kunna að djamma.

Farinn að vinna bæjó!

Pæling dagsins: "Er Frodo hommi? Hann og Gollumn eru eitthvað svona blikk blikk......"

1-10 dagsins: Rakhshani (Western) = yekk - dw - sey - char - pench - sheshsh - (h)ept - (h)esht - nw - de

Kvikmyndagetraun dagsins: "Almost too well endowed. I've had complaints. Literally".
Senda svar!

Sigurvegari dagsins er "Pétur Óli Einarsson" með "Virtual Sexuality".

Það er stuð á dagskrá í dag. Leikur hjá mér í kvöld og svo beint í X-OZer's partý þar sem rjóminn af snillingum landsins munu hella sig fulla. Ég ætla að görtra DJ BJ því hann er svo klikkaður!

Vídeóið mitt kom úr viðgerð í gær og nú virkar rec-takkinn eins og eject-takkinn. Snilld það og beint aftur í viðgerð. Ég fer bráðum að hata Elko bara svo menn viti það.

Salný Kaja komin með tvær tennur!!!!!!!!! Ég er stoltur pabbi og þegiði sem fíla það ekki :-(

Ég hata Ölgerðina ennþá og sérstaklega vegna þess að þeir einoka Aktu-Taktu!

Ég er búinn að setja upp öll loftljós sem við Signý keyptum um síðustu helgi og íbúðin bara allt öðruvísi fyrir vikið jibbíkæeimoððafokka!!!!

Ég ætla framvegis að skrifa æslander um ákveðið fyrirtæki því mér finnst það glatað að þeir noti ekki íslenskt heiti hér innanlands.

Pæling dagsins: "Getur maður týnt lífinu og fundið það svo mörgum árum seinna?"

1-10 dagsins: E Hill = yak - do - sai - chiár - phanch - shash - hapt - hasht - nuh - dah

Kvikmyndagetraun dagsins: "I'm betting he's going to swerve first". Þetta hefur kannski verið í nokkrum myndum en í þeirri sem ég er að spurja um eru þeir að keyra bíl á lestarteinum!
Senda svar!

Sigurvegari dagsins er "Pétur Óli Einarsson" með "The Mothman Prophecies".

Fólk er fífl! Ég var á leiðinni í vinnuna í morgun og er rétt að keyra upp brekkuna í götunni minni. Þá svínar Polo fyrir mig á blússandi ferð þannig að ég rétt næ að stoppa og horfi á hann spóla eins og aumingja upp brekkuna á 3.7 kílómetrahraða. Ég á miklu betri dekkjum keyri í rólegheitunum á eftir honum og veit ekkert hvað bíður mín. Þegar við erum komnir upp brekkuna og erum að keyra á jafnsléttu þá gengur þetta ennþá erfiðlega og ég nenni ekki að standa í þessu og tek framúr honum. Svo kem ég upp á Nýbýlaveg og er stopp þar strax og gaurinn kemur aftan að mér og sér þann kost vænstan í stöðunni að setja háu ljósin á mig. Mig langaði helst út að lemja hann en ákvað að keyra á vinstri akrein alla leið að ljósunum við Kringlumýrarbraut og beygja upp til vinstri og taka svo U-beygju til að losna við að bíða þarna á Nýbýlaveginum og losna við gaurinn með háu ljósin og lélegu dekkin sem hefði örugglega keyrt aftan á mig eftir c.a. 5 mín. Þetta gekk vel hjá mér og fyrr en varir er ég kominn í röðina inn á Kringlumýrarbraut og allt er stopp þar og röðin lengst inn í Hafnarfjörð. Hvað sér maður svo??? Það sem var að valda því að 60.000 manns urðu of sein í vinnuna voru tvær kerlingar önnur á fólksbíl sem hafði keyrt aftan á kerlingu á jeppa. Þær stóðu bara uppi á vegkantinum með bílana á götunni og biðu eftir einhverjum...sennilega löggunni sem var upptekin við að borða kleinuhringi í stað þess að reka kerlingarnar með bílana upp á kant til að valda ekki fleiri slysum. Konurnar voru svo bjargarlausar þarna að þær gátu ekki einu sinni sett viðvörunarþríhyrninginn rétt saman og var því viðvörunarstrik á götunni 29 cm frá aftari bílnum til að vara aðra við að bomba ekki aftan á þær. Svo þegar maður var kominn framhjá þeim þá var bara einginn á ferli og maður keyrði einn í heiminum í vinnuna en þetta tók samt hálftíma. Munið að ef þið lendið í árekstri og ekki liggur vafi á hver keyrði á hvern og hvernig þá skulu þið drullast af veginum áður en einhverjir fleiri keyra á eða jafnvel slasast. Ég hef lent í því ákkúrat á Kringlumýrarbraut að ég þurfti að skipta um akrein til að komast framúr svona aftanákeyrslu en það tókst ekki betur en svo að ég þurfti að hægja mikið á mér og stoppa því enginn gaf mér séns og 17 ára gaukur með mömmu sinni bombaði aftan á mig og mömmu. Signý man þetta vel því hún var að koma úr ökutíma og endaði hann heima hjá mér og beið þar í klukkutíma eftir mér því enginn var heima og hún ekki með lykil.

Svo er það helvítis Ölgerðin Egill Skallagrímsson djöfulsins fífl eru að vinna þar. Hún Ragnheiður Guðfinna fyrrv. ungfrú Ísland er ein af þeim sem sér um sms pepsí leikinn. Ég drekk aldrei pepsí en það er ekki selt kók hérna í mötuneytinu þannig að ég hef neyðst til að kaupa mér pepsí (ekki sleppi ég rds af gosi). Ég sendi inn sms og fékk svarið: "Til hamingju!Thu vannst ovaentan vinning! Biddu eftir simhringingu fra okkur og vid latum thig vita hved thu vannst! Mundu ad geyma flostkuna (og svo var númerið á flöskunni)". Nú ég hélt auðvitað að ég hefði unnið einn af aðalvinningunum og var í skýjunum. Svo gat ég ekki beðið lengur og hringdi í Ölgerðina og var sagt að hringja í eitthvað annað fyrirtæki sem væri með þetta á sinni könnu. Þeir svöruðu mér því að þeir væru aðeins með tæknilegu hliðina en að ég skildi bíða rólegur því ...orðrétt:"ég get lofað þér því að þú verður ekki vonsvikinn". Nú taldi ég mig hafa fengið staðfest að ég væri búinn að vinna eitthvað meidjör. En svo sagði hann mér að hringja í Ragnheiði Guðfinnu og tékka á þessu og ég gerði það og hún sagði: "já þú hefur unnið gos og snakkkörfu!?!?!?! Við bættum við aukavinningum vegna góðrar aðsóknar og þú lentir í potti og varst dreginn út". Já ég varð ekkert vonsvikinn. Ég held að þeir hafi forritað þetta þannig að ákveðið margir myndu vinna fyrsta vinning miðað við X þátttakenda en svo tóku 2X eða 3X þátt og þá voru þeir með of marga fyrstu vinninga og í stað þess að bæta þeim við fá menn gos og snakkkörfu sem er náttúrulega sambærilegt og maður verður ekkert vonsvikinn með það. Nema hvað svo fer ég í matartímanum mínum í gær að sækja "vinninginn" og kem þarna upp í Ölgerðinga og þá eru allir í markaðsdeild í mat....á sama tíma....frábært. Ég fæ mér þá að borða og fer aftur uppeftir og hitti Ragnheiði Guðfinnu sem fullvissar mig um að "karfan" sé tilbúin í afgreiðslunni. Ég fer þangað og enginn kannast við neitt og ég er orðinn þreyttur á að vera sendur fram og til baka í byggingunni og bið gaurinn um að hringja og finna út hvað málið er. Hann nær loks sambandi við Ragnheiði sem segir eitthvað sniðugt og málið endar með því að ég fékk 2 kippur af 2ja lítra pepsí og einn kassa af dorritos snakki sem mér tókst að skipta í kassa af Lays snakki sem mér finnst betra. Ég táraðist af þakklæti....NOT og sá ekki þessa fallegu körfu sem mér var lofað. Ég hata Ölgerðina Egil Skallagrímsson hér með og mun gera mitt besta til að sverta nafn þess skítafyrirtækis. Ragnheiður Guðfinna náði að klúðra þessu rækilega en ég ætla ekki alveg að hengja hana því maður getur verið með erfiða yfirmenn. En Ölgerðin ætti að hafa það fyrir reglu að allir starfsmenn deildar séu ekki fjarverandi á sama tíma og að þegar menn eru með happdrætti eða leiki þá eiga bara að vera þeir vinningar sem eru nefndir á umbúðunum/miðunum! Annars enda menn bara með hundfúla einstaklinga.

Þetta er ákveðinn dreiss hjá Ölgerðinni að halda að menn sætti sig við þessa vitleysu, en þetta er það sem lá mér á negg.

Ég er voða ánægður að Signý sé farin að blogga aftur!!!!!

Ég er ánægður með nýja færslu í dagbókinni hennar Salnýjar Kaju!!!

Pæling dagsins: "Vissuð þið að það er hægt að stilla vekjarann á sumum gemsum á titring, pælið í því :-D"

1-10 dagsins: Turkmenistan = yak - du - say - cha:r - panch - shash - apt - asht - no: - da

Kvikmyndagetraun dagsins: "She's not called the hoover for nothing".
Senda svar!

Sigurvegari dagsins er "Helgi Örn Gunnarsson" með "The Adventures of Ford Fairlane".

Kalli tekur það nærri sér í hvert skipti sem ég tengi heimska bílstjóra við Jeppa. Málið er að ég er ekkert að ráðast á fólk sem hefur vald á stórum hlutum eins og þú Kalli minn en sumir ættu að byrja á minni bílum og fikra sig upp þegar þeir eru búnir að læra á tækið. Auðvitað eru ekki tengsl milli þess hversu vel menn kunna umferðareglurnar og hvernig bíl þeir keyra. En hins vegar á fólk að átta sig á því að ef það kann ekki að keyra þá lagast það ekki við að vera í stærri bíl. Það kannski kemur betur líkamlega út úr árekstrunum sem það veldur en tjónið sem þeir valda er meira. Ég myndi t.d. ekki treysta mér til að vinna á risastórri gröfu fyrr en ég hefði æft mig á minni gröfum í einhvern tíma. Þetta er líka spurning um það að ef fólk gerir sér ekki grein fyrir ystu mörkum bílsins, þá er betra að æfa sig á litlum bíl t.d. með því að bakka í stæði eða bara á milli keila. Maður lendir oft í því að húsmæður á jeppum eru að keyra á tveimur akgreinum í einu því þær halda að ef þær fari aðeins lengra til hægri þá fari þær upp á kant og velti jeppanum. Nei Kalli minn, ég trúi því að þú valdir bílnum þínum og það sé fullt af fólki sem ráði við stóra bíla. En þeir sem gera það ekki ættu að æfa sig á litlum fólksbíl í nokkur ár og fara svo í jeppling og svo í jeppann sinn góða.

Í dag ætla ég að hitta Ragnheiði Guðfinnu og sjá hvað hún er með handa mér!

Í stað orðs dagsins kemur hér mynd dagsins en ég kem þá bara með tvö orð á morgun!


Pæling dagsins: "Af hverju treður maður ekki banana í púströrið hjá einhverjum sem maður þolir ekki?"

1-10 dagsins: Baluchi = yek - do - seh - car - penj - shesh - hept - hesht - nw - deh

Kvikmyndagetraun dagsins: "You're more advanced than a cockroach, have you ever tried explaining yourself to one of them?"
Senda svar!

Sigurvegari dagsins er "Sturla Þorvaldsson" með "The Blues Brothers".

Ég hef margoft talað um það hér að fólk í umferðinni sé stórhættulegt og að því er virðist á stærri bílum eftir því sem það er hættulegra! Hér kemur ein sagan enn...
Signý var á heimleið í gær með Salnýju Kaju og var að keyra upp brekkuna þar sem allar Smiðjuvegsgöturnar eru (rauð, gul og allir litir) og út úr einni götunni kemur kerling á jeppa og svínar þvílíkt fyrir þær án þess að líta einu sinni í áttina til þeirra. Signý flautar og gefur hið hefðbundna "Fuck you" merki og keyrir svo varlega með það í huga að manneskjan í bílnum fyrir framan hana er fífl. Það átti sko eftir að borga sig. Þegar þau koma á aðreinina inn á Nýbýlaveginn þá snarstoppar jeppinn þó að enginn bíll sé í nánd (skemmtileg hugsun hjá bílstjóranum að stoppa þegar enginn bíll er eð gefa í þegar bíll er að koma, hugsanlega var jeppinn að bíða eftir bíl til að svína fyrir). Signý sem var búin að hafa gott bil í jeppann uppskar ríkulega og get stoppað í tæka tíð en bíllinn fyrir aftan Signýju bombaði aftan á þær. Konan (var líka með lítið barn, 2ja ára stelpu) sem var svo óheppin að bomba aftan á Signýju hefur sennilega verið að líta aftur fyrir sig til að sjá hvort bílar væru að koma og hefur séð að enginn bíll var nálægt og hefur því gefið í og litið fram og séð allt stopp en ekki náð að bregðast við því. Skólabókardæmi um aftanákeyrslu. Signý er meidd á hálsi, vinstri öxl og vinstra megin í bakinu, að líkindum eftir beltið en hún fékk góðan hnykk. Salný Kaja trompaðist náttúrulega og grenjaði og grenjaði en verð ekki meint af þessu enda vel spennt niður í jólagjöfina frá Ömmu sinni og Afa. Þær mæðgur eru búnar að jafna sig á sjokkinu en Signý verður smátíma að losna við bólgur í vöðvum en vonandi ekki mjög lengi samt.

Ég bið félaga mína í körfunni afsökunar á því að koma ekki á æfingu í gær en ég lét fjölskylduna ganga fyrir við þessar aðstæður.

Ökumaður jeppans er beðinn um að setjast á döndul!

Pæling dagsins: "Fólk sem segist aldrei hafa lent í tjóni með bílana sína og er með fullkomna skrá hjá tryggingarfélaginu sínu ætti að vera rannsakað og athugað hversu marga þeir hafa drepið í umferðinni með heimsku sinni.....eða hvað?"

1-10 dagsins: Gorani = yak - d'ue - y'are - chu'a:r - panj - shIsh - hawt - hasht - no - da

Kvikmyndagetraun dagsins: "I could've been a rock singer, if only I hadn't been banned from MTV. Long story. But anyway, I only know that one song. Well, I do a mean "Puff the Magic Dragon," but only in the nude. Longer story".
Senda svar!

Sigurvegari dagsins er "Helgi Örn Gunnarsson" með "Bill & Ted's Bogus Journey". Honum þótti brandarinn í gær mjög fyndinn og það er gott því hann hefur góðan húmor!

Ég fór á Two Towers í gær og hún var frábær. Eitt sem pirraði mig alla myndina var að "klippimerkin" sem eru efst í hægra horninu voru ennþá "inni" á þessari filmu sem sýnd var. Ég var alltaf að sjá svartan sporöskjulagapunkt með gulum sporbaug efst í hægra horninu og það pirraði mig geðveikt. Hvaða fífl nennti ekki að fjarlægja þetta? Svo voru allir búnir að gleyma eða skítsama um að Emilíana Torrini er með lag í myndinni. Við, Brandur og Valdi sátum eftir þegar creditlistinn var sýndur og hlustuðum á lagið og sáum nafnið hennar á tjaldinu og þegar það var búið voru allir farnir og engin traffík á bílaplaninu. Það var bara snilld. P.s. nafnið hennar kemur alveg í lokin við lagið "Gollum's song".

Denni segir okkur hvað er tíðis!

Pæling dagsins: "Hvor getur flogið fýll eða fíll? Er Jumbo þá fýll?"

1-10 dagsins: Zaza = zhew - di - hi:re: - chihaa:r - pa:nzh - shesh - hewt - hesht - new - des

Kvikmyndagetraun dagsins: "One Timex digital watch, broken. One unused prophylactic. One soiled".
Senda svar!

Sigurvegari dagsins er "Sigurður Ingi Ævarsson" með "Fierce Creatures". Honum þótti brandarinn í gær mjög fyndinn og það er gott því hann hefur góðan húmor!

Ég vona að Pálmi verði hækilegur í leiknum á morgun enda er hann enginn skekkill!

Var ég búinn að segja ykkur söguna af því þegar ég uppgötvaði hvað orðið "gamni" þýddi? Ég segi hana bara og þið stoppið mig ef þið hafið heyrt hana. Þannig var að ég var í Skóla Ísaks Jónssonar og var í frímínútum að klifra í klifurgrind....ekki týpunni sem er eins og kastali heldur sem er eins og skáhallandi stigi og svo láréttur stigi og svo aftur skáhallandi stigi niður hinum meginn. Krakkar eru oft hangandi neðan í svona klifurgrind og reyna að komast á höndunum frá einum enda í annan....alla vega ég var á miðjunni ofan á láréttastiganum þegar tveir strákar komu að mér og spurðu mig hvers vegna ég hafði lamið einhvern strák sem ég man ekkert hvað heitir. Ég man bara að ég lamdi hann því hann lamdi vin minn og þetta var fullkomnlega réttlætanleg lemjing. Nema hvað mig langaði að komast að því hvað orðið "gamni" þýddi og svaraði því "mmmm bara að gamni". Þetta var ekki svarið sem strákarnir voru að leita að og því drógu þeir mig niður úr grindinni og lömdu mig. Guði sé lof að þetta var á þeim aldri þar sem það var nóg að byrja að grenja að þá hlupu árásaraðilarnir í burtu og verki þeirra var lokið. Ef ég hefði gert þetta í gaggó t.d. þá hefði ég lent á sjúkrahúsi. Nú svo þurfti ég náttúrulega að safna vinum mínum til að lemja þá og svona gekk þetta og enginn slasaðist því það var hætt þegar fórnarlambið fór að grenja. Mjög góðir tímar og ég lærði mína lexíu og stefndi að því að spyrja fólk hvað eitthvað orð þýddi í stað þess að nota það og vera svo laminn...þ.e.a.s. ef ég vissi ekki hvað orðið þýddi. Hins vegar gekk mér ekki að fá kennara til að segja mér hvað orð þýddu þegar ég var að læra erlend mál því ég átti að vera búinn að læra það heima.....til hvers var þá helv.... kennarinn????

Pæling dagsins: "Ef Hannibal Lecter væri með matreiðsluþátt væri hann þá bannaður börnum? Aukapæling: Hvað myndi gerast ef honum yrði boðið í einn, tveir og elda?"

1-10 dagsins: Harzani = i - de - here - chö - pinch - shosh - - - - doh

Kvikmyndagetraun dagsins: "I predict Colonel Mustard did it in the cellar with a candlestick".
Senda svar!

Sigurvegari dagsins er "Dagmar Þórðardóttir" með "Top Gun".

Jæja krakkar!!! Það styttist í helgina, eruði búin að ákveða hvað á að gera? Á að fara í partý, skella sér í bíó eða eitthvað annað....eða allt?

Einu sinni var flutningaskip sem var troðfullt af jójóum og svo sökk það....sjö sinnum!

Er bannað að drekka í vinnunni?

Elko sökkar feitt, ég er með vídeó sem bilaði innan árs frá því að þeir seldu mér það og það er í ábyrgð (2ja ára ábyrgð á því) og hvað gera þeir, þeir senda mig á eitthvað verkstæði sem er greinilega verktaki hjá þeim og láta mig fara með það þangað í viðgerð í stað þess að gera það sjálfir og svo fæ ég ekki lánað vídeó á meðan því það eru engin óþægindi fyrir mig að missa glænýtt vídeó í viku til 10 daga!!!! Þjónustan er æðisleg í þessum stóru verslunum.

Pæling dagsins: "Raspútín hét presturinn sem var að mig minnir sérlegur prestur Zarfjölskyldunnar í Rússlandi þegar keisaradæmið leið undir lok. Nú er Pútín forseti Rússlands en hann er einmitt með Rass, sem þýðir að rassinn á Pútin gæti heitið Raspútín! Pælið í því!!!"

1-10 dagsins: Talysh = i - du - se - cho - penj - shash - håft - hasht - nav - då

Kvikmyndagetraun dagsins: "Oh, great. Terrific! He decides to keep the zoo open so you kill him! Brilliant! Well done, thank you so much! Especially for shooting him right between the eyes so that it doesn't look like an accident... Because the people at Octopus will know that he was coming here to close us down so there's our motive for murdering him. Stunning! Well, Mr. Brain of Britain, what are we going to tell the police, who are of course already on there way here?!... Another example of the thoroughness of your plan".
Senda svar!

Sigurvegari dagsins er "Helgi Örn Gunnarsson" með "Bio-Dome".

Hvað á maður að tala um hmmmm ég fer í skólann á eftir sem er mjög skítt því jólafrí eru skemmtileg. Jólin eru víst búin og skólinn því að byrja aftur. Djöfull verður gaman þegar maður verður kominn með B.S. í Tölvunarfræði. Þá verður maður sko maður með mönnum. Ég er bara með B.A. í Heimspeki núna og það vita allir að það dugir ekki að vera með eitt háskólapróf í dag til að vera alvöru karlmaður! Þetta er enginn holhroði!

Don Andri var ánægður með pælingu gærdagsins en ég vona að hann verði ennþá ánægðari með pælingu dagsins. Svo er ég tilbúinn með pælingu morgundagsins en hún er held ég sú besta hingað til.

Íslenska landsliðið í handbolta farið að sökka aftur, það eru ánægjuleg tíðindi, fótboltalandsliðið er búið að sökka lengi alveg síðan Atli tók við en menn viðurkenna það ekki ennþá. Nú svo sökkaði körfuboltalandsliðið um daginn en það var bara vegna þess að suðurnesjaþjálfarar nota bara suðurnesjamenn þrátt fyrir að allir viti að sonur minn Hann Pálmi Freyr er bestur og ég hef kennt honum allt sem hann kann!!!

Pæling dagsins: "Ef borgirnar A, B og C mynda jafnarmaþríhyrning á milli flugvalla sinna og því vegalengdirnar á milli þeirra nákvæmlega jafnlangar, hvernig getur þá staðið á því að flug milli A og B er 1 klst og 20 mín, flug milli B og C er 1 klst og 20 mín en flug milli C og A er bara 80 mín?"

1-10 dagsins: Mazanderani = yak - de - se - cha:r - panj - shesh - haft - hasht - ne - da

Kvikmyndagetraun dagsins: "Hell, I'd be happy to just find a girl that would talk dirty to me".
Senda svar!

Aukablogg: Stjörnuliðið hefur verið valið!

Darrell Flake hlaut flest atkvæði

Netkosningu í byrjunarlið Stjörnuleiksins er lokið. Flest atkvæði hlaut Darrell Flake framherji Norðurliðsins, en Damon Johnson framherji Suðurliðsins varð í öðru sæti með 454 atkvæði.

Eftirtaldir leikmenn skipa byrjunarliðin og atkvæðin sem þeir hlutu:

Norðurliðið - Essóliðið:
Darrell Flake KR 466
Magni Hafsteinsson KR 270
Hlynur Bæringsson Snæfelli 408
Eiríkur Önundarson ÍR 382
Clifton Cook Tindastól 191

Suðurliðið - Stakkavíkurlið:
Damon Johnson Keflavík 454
Stevie Johnson Haukar 337
Friðrik Steánsson UMFN 380
Pálmi Freyr Sigurgeirsson Breiðabliki 271 Sonur minn!!!!!!!!!!!!
Helgi Jónas Guðfinsson UMFG 225

Þjálfarar liðanna þeir Ingi Þór Steinþórsson (Norður-Essó) og Friðrik Ingi Rúnarsson (Suður-Stakkavík) munu velja sjö leikmenn til viðbótar í liðin.

Leikurinn verður að Ásvöllum í Hafnarfirði á laugardaginn kemur, 11. janúar kl. 15:00. KKÍ þakkar netverjum fyrir aðstoðina við að velja byrjunarliðin.

Sigurvegari dagsins er "Pétur Óli Einarsson" með "American Pie 2".

Ég er búinn að bæta við link hérna til hægri á hana Þorbjörgu, hún hefur margt ágætt að segja og hvet ég menn til að lesa bloggið hennar. En ekki trúa öllu sem hún segir um mig. Mest pirrandi er samt að þurfa að smella 900 sinnum á "No" til að geta lesið síðuna hennar. Hún er engin hemeskja en hún kynntist mér þegar ég var með mikinn svarðakur!

Það voru tveir gaurar hér í gær, Bippi og Emil. Emil gleymdi gemsanum sínum hérna og ég er búinn að skemmta mér vel með því að þykjast vera hann. Búinn að senda sms á allar stelpurnar í símaskránni hans og bjóða þeim á Holtið! Auk þess er ég búinn að svara símtölum og samþykkja fyrir hans hönd að taka að mér fullt af verkefnum en ég ætla ekki að segja honum frá þeim og hann mun ekki fatta það fyrr en deadline-ið er búið.

Ég fór á æfingu í gær og kem ekki vel undan jólum. Ég þarf að komast í form. Nú er það út að hlaupa alla daga og Sporthúsið að lyfta eins oft og ég get og svo æfingar í körfunni og ég verð tilbúinn í meistaraflokk fyrir úrslitakeppni!!!

Pæling dagsins: "Ef bíll A leggur af stað frá Þingvöllum í átt að Reykjavík (segjum að það séu 50 km) klukkan 15:00 á 55 km/klst og bíll B leggur af stað á móti bíl A klukkan 15:15 frá Reykjavík til Þingvalla á 69 km/klst. Hvor bíllinn er nær Reykjavík þegar þeir mætast?"

1-10 dagsins: Gilaki = yek - du - se - chår - penj - shish - haf - hash - noh - da

Kvikmyndagetraun dagsins: "And when we're not saving the environment, we're thinkin' of you, naked, thigh deep in tofu".
Senda svar!

Sigurvegari dagsins er "Pétur Óli Einarsson" með "Bad Taste".

Vitlaust að gera í vinnunni en skyndiblogg hérna fyrir mat. Ég fór í jólaboð hjá móðurættinni minni á laugardag og þar var Salný Kaja hrókur alls fagnaðar að sjálfsögðu. Svo fór ég í afmæli Kela um kvöldið og skemmti mér rosa vel. Svo fór ég á körfuboltaleik á sunnudaginn þar sem Blikar töpuðu fyrir Haukum og það var súrt og spurning um að ég komi mér í form og verði með come back!!!! Meira var það nú ekki í bili!

Pæling dagsins: "Er til skopparasnúður?"

1-10 dagsins: Sangisari = yækæ' - doo - shæ - chår - panj - shash - haft - hasht - na - das

Kvikmyndagetraun dagsins: "Here's a new idea for you Stifler. You find a girl, you two become best friends and you don't bother counting how many times you have sex with each other you just laugh at the people who do count".
Senda svar!

Sigurvegari dagsins er "Ásbjörg Kristinsdóttir" með "Men in Black II". Fyrsti snillingur ársins dömur mínar og herrar!

Salný Kaja komin með tönn!!!!!!! Hún er líka farin að "smella með tungunni" og er greinilega alger snillingur.

Ég er að fara í afmæli til Kela annað kvöld en fyrr um daginn er jólaball hjá móðurættinni minni vúha hellingur að gerast.

Hérna eru upplýsingar um Kela fyrir þá sem ekki þekkja hann:

Hérna var mynd!
1.
2.
3.
Til hamingju með hálfrar aldar afmælið sem verður 4. janúar sem er einmitt annað kvöld!!! Við skulum vona að hann verði ekki úrigur.

Pæling dagsins: "Hver er eðlisþyngd elds?"

1-10 dagsins: Semnani = i - do - hejrá - cha:r - panj - shash - haf - hash - na - das

Kvikmyndagetraun dagsins: "Stick all the bits of brain in a plastic bag, Barry". Þessi mynd er alltof góð!!!
Senda svar!

Sigurvegari dagsins er "Guðmundur Andri Hjálmarsson" með "A Nightmare On Elmstreet". Það er því ljóst að Pétur Óli vinnur kvikmyndagetraunadeildina að þessu sinni.

Gleðilegt ár öll! Það var mikið stuð á gamlárskvöld, ég hef aldrei drukkið jafnmikið freyðivín enda þoli ég ekki freyðivín en kláraði tvö glös að þessu sinni. Auk nokkurra glasa af léttuvíni sem allt hjálpaði mér að vera temmilegur þegar það kom að því að plaffa upp ragettum. Það byrjaði illa því tólfragettan byrjaði á því að brenna kveikiþræðinum og svo ekkert meira....við biðum og reyndum svo allt nema að hella yfir hana bensíni en hún fór ekkert. Allar aðrar ragettur virkuðu hins vegar.

Ég veit ekki hvernig verður með kvikmyndagetraunardeildina en ég byrja alla vega samkvæmt núgildandi reglum og kem svo með nánari útlistun þegar ég er búinn að úthugsa þetta.

Pæling dagsins: "Var skaupið snilld?"

1-10 dagsins: Vafsi = yey - do - se - caar - pezh - shish - haf - hash - no - dah

Kvikmyndagetraun dagsins: "It grows back!?!?". Sagt eftir að ein persónan er nýbúin að skjóta hausinn af annarri persónu.
Senda svar!